Ver Video Zo Ain As Doe By Pe Daalemmer Y Rooie Rinus 2024 en línea | Musica Lyrics

Pe Daalemmer Y Rooie Rinus - Zo Ain As Doe Lyrics

'n Stuk of wat vratten op dien baaide linkerhanden
'n Haile dikke poest, op dien rechterbil
En in dien mond doar ontbreken 'n poar tanden
Ast wat tegen mie zegst din vlaigen de sputters op mien bril

Vieze vette hoaren dai vin ik voak in keuken
Peuterst in dien neus, ast eten veur mie kookst
Kroep ik op ber din vin ik van die gore peuken
Omdastoe veur het sloapen eerst nog 'n sigaretje rookst

Moar het gekke is wicht, mit die bin ik tevree
Want zoas doe is der in 't haile laand gainain
Nee, 't gekke is Gre, mit die bin ik tevree
Al is 't ook nait aaltied rozegeur en moaneschien meschain

Heb ik mien salaores an 't end van moand weer kregen
Din wor ik doar deur die al snel weer van beroofd
Kom ik die even loater in dien nije bontjas tegen
Din krieg ik mien moandelekse smok zoas beloofd

Zo binnen wie nou alweer joaren bie nander
We blieven echt veur aains en aaltied man en vraauw
Nee ik wil die echt nooit meer omruilen veur 'n aander
Ik zol het ook nait duren want doe slougst mie bont en blaauw

Moar het gekke is Gre, mit die bin ik tevree
Want zoas doe is der in 't haile laand gainain
Nee, 't gekke is Gre, mit die bin ik tevree
Al is 't ook nait aaltied rozegeur en moaneschien meschain
Moaneschien meschain
Moaneschien meschain