Ver Video Nur Por La Pano By Persone 2024 en línea | Musica Lyrics

Persone - Nur Por La Pano Lyrics

Frumatene, lummalplene, lace, pene
La vekiĝo, ellitiĝo, ekstariĝo
Matenmanĝo, kia aranĝo, nur oranĝo
Senprokraste, minutlaste, kure, haste

Al metroo mi rapidas
Tie jam silente sidas
Pleb' gapanta oscedanta

Ĉiu tago, sama ago, por la pago
Rutine, maŝine, senfine
Mi produktas, peno fruktas, la maŝino ruktas
Mi konstruas, bore truas, ŝraŭbas kaj bruas

La maŝin' elektre zumas
Buntaj lampoj palpebrumas
Radoj iras, mi sopiras FOR!

Nur por la pano, nur por profito
Kontraŭ la sano, kontraŭ spirito

Manĝopaŭzo, restaĵ' sen saŭco, kia naŭzo
Kafoklaĉo, pri aŭtaĉo, pri la maĉo
Pri virino, kaj pri vino, pri nikotino
La kunuloj, veraj nuloj, kun splenokuloj

Poste restas laco nura
Vestaĵaro tre malpura
Mankas forto, mankas tempo...